لاہور(نمائندہ سپورٹس) نو منتخب نائب صدر پاکستان فٹبال سردار نوید حیدر خان چارج لینے فیفا ہاوس پہنچ گئے۔نومنتخب نائب صدر پاکستان فٹبال فیڈریشن سردار نوید حیدر خان کی فٹبال ہاوس آمد پر میڈیا سے گفتگو کرتے ہوئے کہا کہ ہمیں پاکستان فٹبال فیڈریشن کا چارج نہیں مل سکا۔نو منتخب صدر اشفاق حسین شاہ کی ہدایت پر ریٹرننگ افسر کا دستخط شدہ نوٹیفکیشن لے کر پی ایف ایف ہاوس آیا تھا۔ ہم چارج لینا چاہتے تھے، مگر سیکرٹری پی ایف ایف نے سپریم کورٹ سے تاحال نوٹیفکیشن موصول نہ ہونے کا بتایا ہے۔ اب سپریم کورٹ جاکر باقاعدہ نوٹیفکیشن کی درخواست کریں گے۔