سری لنکا نے بھارت کو ہرا کر ایمرجنگ ایشیا کرکٹ کپ جیت لیا

لاہور (سپورٹس ڈیسک) سری لنکا نے بھارت کو شکست دے کر ایشیا ایمرجنگ کرکٹ کپ جیت لیا ۔ سری لنکانے پہلے کھیلتے ہوئے سات وکٹوں کے نقصان پر 270رنز بنائے ۔ بویا گوڈا نے چون ‘ویرا کوڈی نے چار ‘فرننڈو نے انتیس ‘جے سوریا نے چھیالیس‘ایشان نے بیس ‘پی مینڈس نے اکسٹھ ‘گونا رنتے نے سات ‘ڈی سلوا نے اکتیس رنز کی اننگز کھیلی۔ راج پوت نے دو کھلاڑیوں کو آئوٹ کیا ۔ بھارتی ٹیم نو وکٹوں پر267رنز بناسکی۔ گائیکواڈ اکتیس‘رانا چالیس ‘یادیو اکہتر ‘ملانی اٹھائیس رنز بناکر نمایاں رہے ۔ گونا رتنے نے تین کھلاڑیوں کو آئوٹ کیا ۔کامینڈو مینڈس کو میچ اور سیریز کا بہترین کھلاڑی قرار دیا گیا ۔