دورہ جنوبی افریقہ آسان نہیں ‘ملتان کے عوام سٹیڈیم آئیں : شعیب ملک

ملتان (سپورٹس رپورٹر)قومی ٹی ٹونٹی کر کٹ ٹورنامنٹ میں کراچی کی جانب سے مین آف دی میچ کا اعزاز حاصل کر نے والے شعیب ملک نے میڈیا سے گفتگو کر تے ہوئے کہا کہ ٹیسٹ کر کٹ سے ریٹائر منٹ کا فیصلہ درست وقت پر کیا کیونکہ نوجوان کھلاڑی بیک پر موجود تھے اور ضروری نہیں کہ آپ ٹیم میں رہ کر ملک کی نمائندگی کر یں آپ نوجوان کھلاڑیوں کو موقع دیکر بھی ملک کی نمائندگی کر رہے ہوتے ہیں میچ کے حوالے سے کہا کہ ملتان کی وکٹ ٹی ٹونٹی فارمیٹ کیلئے اچھی ہے جس کو مزید بہتر کیا جاسکتا ہے۔ انہوں نے کہاکہ دورہ ساؤتھ افریقہ آسان نہیں ہوگا کیونکہ وہاں کی کنڈیشن سے واقف ہونے کیلئے کھلاڑیوں کو پہلے جانا ہوگا اور اس ماحول میں خود ڈھالنے کیلئے تھوڑا وقت درکار ہوتا ہے انہوں نے ملتان کر کٹ سٹیڈیم کی تعریف کر تے ہوئے کہا کہ یہاں کھیلنا ہمیشہ سے اچھا لگتا ہے اور قومی ٹی ٹونٹی کر کٹ ٹورنامنٹ کا یہاں انعقاد پی سی بی کا اچھا فیصلہ ہے۔ ایک سوال کے جواب میں انہوں نے کہا کہ پی سی بی کی ہمیشہ سے کوشش رہی ہے کہ پی ایس ایل کو مکمل طور پر پاکستان میں لایا جائے اور تما م میدانوں کو آباد کیا جائے لیکن کچھ وجوہات ہیں جن کی بنا پر اس میں تھوڑا وقت درکار ہوگا۔انہوں نے ملتان کی عوام سے اپیل کی کہ وہ سٹیڈیم آئیں اور بھرپور انداز میں ایونٹ کا کامیاب بنائیں تاکہ پوری دنیا میں ایک اچھا پیغام جائے کہ پاکستان میں کر کٹ سے پیا رکیا جاتا ہے۔