محمد صلاح مسلسل دوسری بار’’ افریقن فٹبالر آف دی ائر‘‘ایوارڈ لے اڑے

لاہور (سپورٹس ڈیسک)مصری فٹبالر محمد صلاح نے مسلسل دوسری مرتبہ افریقن فٹبالر آف دی ائر کا ایوارڈ جیت لیا۔چیمپئنزلیگ کے 52 میچز میں 44 گولز کے ساتھ لیورپول کی نمائندگی کرنیوالے بہترین فارورڈ محمد صلاح افریقین فٹبالر آف دی ائر2018کا ایوارڈ لے اڑے۔سٹار فٹبالر کا یہ مسلسل دوسرا ایوارڈ ہے۔محمد صلاح کا کہنا تھا کہ وہ ایوارڈ جیتنے پربہت خوش ہیں اور آئندہ سال بھی یہ ایوارڈ جیتنا چاہتے ہیں۔صلاح نے برطانوی نشریاتی ادارے کی ووٹنگ میں میڈی بنیشیا، کوولیبالی، ساڈیو مین اورتھومس پارٹے کو پیچھے چھوڑا۔