کوالالمپور(آئی این پی)ملائشیا کے جنوبی کھلے سمندر میں ایک مال برادر بحری جہاز کے ایک دوسرے بحری جہاز سے ٹکرانے سے دھماکہ ہوا جس سے 6 افراد زخمی ہو گئے۔ جنہیں فوری طور پر قریبی ہسپتال میں زیر علاج لے لیا گیا۔ملائشیا سمندری تحفظ ادارے کے حکام کی جانب سے جاری کردہ اعلامیہ میں بتایا گیا ہے کہ جنوب کے باتو پخت کھلے سمندر میں صبح 6 بجے کے قریب ایندھن لادے گئے بحری جہاز پر مال چڑھانے کے لیے قریب آنے والا ایک کارگو بحری جہاز اس کے عقب سے جا ٹکرایا۔دھماکہ ہونے سے دونوں بحری جہازوں سے کل 6 افراد زخمی ہو گئے جنہیں فوری طور پر قریبی ہسپتال میں زیر علاج لے لیا گیا۔