سری لنکن کرکٹ ٹیم کے اعزاز میں عشائیہ‘ سپیکر قومی اسمبلی بھی شریک

لاہور (سپورٹس رپورٹر+نوائے وقت رپورٹ) سری لنکن کرکٹ تیم کے اعزاز میں عشائیہ دیا گیاجس کا اہتمام سری لنکن ہائی کمشن اور ایس ڈی پی آئی کی طرف سے کیا گیا۔ سپیکر قومی اسمبلی اسد قیصر نے بطور مہمان خصوصی شرکت کی۔ ڈائریکٹر ایس ڈی پی آئی نے خطاب میں کہا کہ پاکستان میں کرکٹ بحالی کا کریڈٹ سری لنکن ٹیم کو جاتا ہے۔ سری لنکن ہائی کمشنر نے کہا کہ پاکستان اور سری لنکا کے درمیان بہترین دوستانہ تعلقات ہیں۔ مشکلات پر قابو پا کر آج دوبارہ سری لنکن ٹیم کی واپسی ممکن ہوئی اور پاکستان میں انٹر نیشنل کرکٹ بحال ہوئی ہے۔ چیئرمین پی سی بی احسان مانی نے بھی اہم کردار ادا کیا ہے۔ سپیکر اسد قیصدر نے کہا کہ سری لنکا کا شکریہ ادا کرتا ہوں۔ انہوں نے پاکستان سے دوستی کا ثبوت دیا۔ کرکٹ شائقین کے لئے بہت خوشی کی بات ہے۔ سری لنکن کرکٹر کرونا رتنے نے کہا پاکستان آکر بہت خوشی ہو رہی ہے۔