کامونکے(نامہ نگار) موٹرسائیکل میں دوپٹہ پھنس جانے سے نیچے آکر تین کمسن بہن بھائی جاں بحق ہوگئے بتایا گیا ہے کہ گوجرانوالہ کا رہائشی علی رضا اپنی بیوی اور تین کمسن بچوں کے ہمراہ بازار سے خریداری کرنے کے بعد موٹرسائیکل پر واپس جا رہا تھا کہ چیانوالی ٹال پلازہ کے قریب اس کی بیوی کا برقعہ موٹرسائیکل کے ٹائر میں پھنس گیا جس سے پانچوں جی ٹی روڈ پر گر گئے اور اسی اثناء میں وہاں سے گزرنے والے تیز رفتار ٹرک نے انہیں روند ڈالا، حادثہ کے نتیجہ میں چھ سالہ عریدہ، چارسالہ صائم اور سات ماہ کی ایمان فاطمہ کچلے جانے سے موقع پر جاں بحق ہوگئے جبکہ تیس سالہ علی رضا اور اس کی بیوی شائستہ بی بی زخمی ہوگئی، اطلاع ملنے پر متوفیان اور زخمیوں کو مقامی ہسپتال پہنچا دیا گیا۔