پنجگور میں فائرنگ سے 5 افراد جاں بحق، 4 زخمی

بلوچستان کے ضلع پنجگور کے علاقے تتحصیل پروم میں فائرنگ کے واقعہ میں پانچ افراد جاں بحق جبکہ چار زخمی ہو گئے۔لیویز ذرائع کے مطابق فائرنگ کا یہ واقعہ  پنجگور کے علاقے پروم ڈیم کے قریب پیش آیا ہے۔اس واقعہ میں پانچ افراد عبداللہ ولد محمد عیسی  سکنہ خضدار، نور بخش ولد عںدالکریم سکنہ خضدار،  داد ولد عزیز محمد سکنہ خاران، خیر بخش والد اللہ بخش سکنہ خاران، سفر خان ولد راہو سکنہ خاران  جاں بحق ہوگئے۔ چار زخمیوں میں طاس خان سکنہ خاران، یاسین ولد نبی بخش سکنہ گدر اور سراج ولد عبدلکریم سکنہ خضدار  شامل ہیں۔لیویز ذرائع کے مطابق  لاشیں اور زخمیوں کو ڈسٹرکٹ ہیڈ کوارٹرز اسپتال پنجگور منتقل کر دیا گیا ہے۔ اس سلسلے میں ڈپٹی کمشنر پنجگور کا کہنا ہے کہ لیویز فورس اس واقعہ کی تقتیش کررہی ہے۔پنجگور کے تحصیل پروم کا یہ علاقہ تقریبا شہر سے  60 کلو میٹر دور ہے اور دشوار گزار راستوں پر مشتمل ہے واقعہ کی اطلاع ملتے ہی لیویز فورس اور ایف سی علاقے میں پہنچ گئے  لاشوں اور زخمیوں کو ڈسٹرکٹ ہیڈ کوارٹر ہسپتال پنجگور منتقل کر دیا گیا ہے۔