لاہور(سپورٹس ڈیسک ) بنگلہ دیش کرکٹ ٹیم کے سپن بائولنگ کوچ رنگنا ہیراتھ کرونا وائرس کا شکا ر ہوگئے ہیں ۔ وہ دورہ نیوزی لینڈ کے دوران ٹیم کے ہمراہ تھے ۔ بی سی بی ذرائع کے مطابق ان کا کرونا ٹیسٹ مثبت آیا ہے ۔ انہیں بخار کی علامات ہیں ‘کسی دوسرے کھلاڑی یا کوچنگ سٹاف میں ایسی علامات نہیں ہیں ۔ وہ دورہ نیوزی لینڈ کیلئے بنگلہ دیش ٹیم کے ساتھ ہیں ۔ دوسری ٹیسٹنگ رپورٹس آنا باقی ہیں ۔ بنگلہ دیش کرکٹ ٹیم نیوزی لینڈ میں قرنطینہ مکمل کر رہی ہے ۔ رنگنا ہیراتھ کو سکواڈ سے الگ کرکے آئسولیشن میں بھیج دیا گیا ہے ۔ بنگلہ دیش ٹیم کے ساتھ نیوزی لینڈ کا سفر کرنے والے ایک مسافر کا بھی کرونا ٹیسٹ مثبت آیا ہے ۔ بنگلہ دیش کے سکواڈ کے 9ارکان کا قرنطینہ بڑھا دیا گیا ہے جن میں چار کھلاڑی کپتان مومن الحق ‘یاسر علی ‘فضل ربی اور مہدی حسن میراز اور ٹیم ڈائریکٹر خالد محمود شامل ہیں ۔