لاہور(سپورٹس رپورٹر)کراچی کے نیشنل سٹیڈیم میں ہونے والی پاکستان اور ویسٹ انڈیز کے مابین ٹی ٹونٹی سیریز کے دوسرے میچ میں پاکستانی شائقین کرکٹ ویسٹ انڈیز کو سپورٹ کرتے رہے۔ٹوئٹر پر ایک صارف نے نیشنل سٹیڈیم میں موجود کچھ شائقینِ کرکٹ کی تصویر شیئر کی جنہوں نے ویسٹ انڈیز کی شرٹس زیب تن کر رکھی تھیں اور این بشپ کے پوسٹرز بھی تھام رکھے تھے۔ٹوئٹ میں بتایا گیا کہ پاکستانی شائقینِ کرکٹ ویسٹ انڈیز کو سپورٹ کررہے ہیں۔ویسٹ انڈیز کرکٹ بورڈ کے تصدیق شدہ اکاؤنٹ سے کرکٹ کیلئے اس جذبے کو سراہا گیا اور اسے حیرت انگیز قرار دیا گیا۔ویسٹ انڈیز بورڈ نے پاکستانی شائقینِ کرکٹ کی اس حوصلہ افزائی پر شکریہ بھی ادا کیا۔