شاباش پاکستانی کرکٹ ٹیم وزیراعلیٰ عثمان بزدارکی قومی کرکٹ ٹیم کو مبارکباد

وزیراعلیٰ پنجاب سردارعثمان بزدارنے ویسٹ انڈیز کے خلاف تیسرا ٹی 20 میچ جیتنے اورسیریز میں کلین سویپ کرنے پرقومی کرکٹ ٹیم کو مبارکباددی ہے-وزیراعلیٰ عثمان بزدار نے کہا کہ محمد رضوان او ربابراعظم نے شاندار بلے بازی کر کے میچ اور قوم کے دل جیت لئے ہیں -پاکستانی اوپنرز کی بیٹنگ کی جتنی بھی تعریف کی جائے کم ہے- شاہینو ں نے ایک بار بھر اپنی برتری برقرار رکھی-قومی کھلاڑیوں نے میدان میں بہترین کارکردگی کا مظاہرہ کرکے کامیابی سمیٹی-پاکستانی کھلاڑیوں نے ویسٹ انڈیز کو شکست دے کر قوم کو خوشیاں دی ہیں - میرا یقین ہے کہ ٹیم ورک کا نتیجہ ہمیشہ جیت کی صورت میں سامنے آتا ہے-