جھڈو(نامہ نگار) جھڈو کے نواحی گاؤں کوٹ میر جان محمد میں 400 خیموں پر مشتمل عالمی ادارے بیت السلام کی مثالی خیمہ بستی نمبر 3 میں سیلاب متاثرین میں راشن اور پانی کے کین تقسیم کئے گئے اس موقع پر بیت السلام کے مولانا ضیاء الحق، مفتی صغیر احمد، مولانا ریئس احمد، مفتی سلیم، قاری عبدالستار، قاری ارطغول بھی موجود تھے۔بیت السلام جھڈو کے ذمہ دار مفتی عمران نے میڈیا کو بتایا کہ عالمی ادارہ بیت السلام پورے پاکستان کی طرح سیلاب سے شدید متاثرہ تعلقہ جھڈو اور گردونواح میں پہلے دن سے ہی خدمت خلق میں مصروف ہے۔