عارف چوہدری ، برطانیہ
سینٹ جونز چرچ سنٹر نیلسن میں پاکستانی مسیح کمیونٹی نے کرسمس کے تہوار کی مناسبت سے کمیونٹی لیڈر سلیم گل کے ساتھ سینٹ جونز چرچ کے تعاون سے پروقار تقریب کا انعقاد کیا۔مسیح کمیونٹی کی بڑی تعداد کی شرکت۔تقریب کے آرگنائزر سیلم گل نے کہا کہ ہم مل کر حضرت عیسی کی خوشیاں منانے میں میں تمام ساتھیوں کا شکریہ ادا کرتا ہوں جو دعائیہ تقریب میں شریک ہوئے۔ سوار خان کا کہنا تھا کہ کرسمس امن محبت یگانگت اور سلامتی کا پیغام دیتی ہے اسی پیغام کو ہمیں پھیلانا چاہیے۔پرویز حیات اور ریاض گل نے کہا کہ یسوع مسیح اطمینان اور سکون کا پیغام لیکر آیا۔ چرچ کی وکر ریلی کا کہنا تھا کہ حضرت عیسی دنیا میں تشریف لائے ہم چاہتے ہیں سب اس خوشی میں شریک ہوں سہیل یوسف نے کمیونٹی کو کرسمس کی خصوصی مبارکباد پیش کی۔جاوید اقبال کا کہنا تھا کہ جسطرح حضرت عیسیٰ علیہ السلام کی پیدائش پر فرشتوں نے خوشیاں منائیں تھیں اسی طرح ہم بھی خوشی منا رہے ہیں۔زہیب فرانسس ، شروم -جارڈن شہناز و دیگر افراد نے بھی کرسمس کے تہوار کی مناسبت سے رکھی گءتقریب میں اپنے خیالات کا اظہار کرتے ہوئے کہا کہ ہم سب ملکر تہوار کو مناتے ہوئے امن بھائی چارے اور باہمی اتحادواتفاق کا پیغام سب تک پہنچاتے ہیں -ماریہ نے نظامت کے فرائض احسن طریقے سے انجام دیے۔
برطانیہ میں بسنے والی پاکستانی مسیحی برادری حضرت عیسیٰ علیہ السلام کی پیدائش کو منانے کے لیے پیش پیش ہے جو باہمی اتحادواتفاق و یگانگت کے لیے باعث تقویت ہے
