اسلام آباد(اپنے سٹاف رپورٹر سے)اسلام آباد چیمبر آف کامرس اینڈ انڈسٹری کے فانڈر گروپ کی کونسل کے ارکان نے آبپارہ مارکیٹ کے الیکشن میں کامیاب صدر اجمل بلوچ اور جنرل سیکرٹری اختر حسین عباسی کومبارکباد دینے کے لیے گزشتہ روز آبپارہ مارکیٹ کا دورہ کیا، وفد کی قیادت فانڈر گروپ کے چیئرمین طارق صادق نے کی، جبکہ ان کے ہمراہ صدر آئی سی سی آئی ناصر قریشی ، ظفر بختاوری، عبدالروف عالم، فانڈر گروپ کے سابق چیئرمین خالد اقبال ملک، خالد جاوید، اعجاز عباسی، چوہدری مسعود، اور شوکت مسعود شامل تھے۔ فاؤنڈر گروپ کے ارکان نے بزنس کمیونٹی کے لیے اجمل بلوچ اور اختر حسین عباسی کی خدمات کو بھرپور سراہا اور ان کی قیادت پر مکمل اعتماد کا اظہار کیا۔ اس موقع پر فانڈر گروپ کے چیئرمین طارق صادق نے کہا کہ اجمل بلوچ ہمیشہ بزنس کمیونٹی کے مسائل حل کرنے میں پیش پیش رہے ہیں۔ان کی قیادت نے تاجروں کو ایک مضبوط پلیٹ فارم مہیا کیا ہے، جو ہر مشکل وقت میں ان کے ساتھ کھڑا رہا ہے۔صدر آئی سی سی آئی ناصر قریشی نے کہا کہ مارکیٹ ایسوسی ایشنز کا مضبوط اور متحرک ہونا اسلام آباد کی