روٹرڈیم (اے پی پی) رابن سوڈرلنگ نے ہالینڈ اوپن ٹینس ٹورنامنٹ جیت لیا۔ انہوں نے فائنل میں میخائل یوزخنی کو ہرا کر ٹائٹل اپنے نام کر لیا۔ گزشتہ روز کھیلے جانے والے ٹورنامنٹ کے فائنل میں سویڈن کے تھرڈ سیڈ رابن سوڈرلنگ نے میخائل یوزخنی کے خلاف پہلے سیٹ میں 6-4 سے کامیابی حاصل کی۔ دوسرے سیٹ میں ان کو 2-0 کی برتری حاصل تھی کہ میخائل یوزخنی ٹانگ میں انجری کے باعث مقابلہ جاری نہ رکھ سکے اور میچ سے دستبردار ہو گئے۔ رابن سوڈرلنگ نے بآسانی ٹائٹل اپنے نام کر لیا۔ واضح رہے کہ میخائل یوزخنی نے سیمی فائنل میں ٹاپ سیڈ نوویک ڈجکووچ کو اپ سیٹ شکست دے کر فائنل کیلئے کوالیفائی کر لیا۔ ٹاپ سیڈ ایلیناڈیمنیٹوا نے پیرس اوپن ٹینس ٹورنامنٹ جیت لیا۔ انہوں نے فائنل میں لوئس سفاروا کو ہرا کر اپنے کیریئر کا 16 واں ٹائٹل اپنے نام کیا۔ گزشتہ روز کھیلے جانے والے ٹورنامنٹ کے فائنل میں روسی ٹاپ سیڈ ایلینا ڈیمنیٹوا نے لوئس سفاروا کو 6-7،5-7،6-1 اور6-4 سے شکست دے کر ٹورنامنٹ جیت لیا یہ ان کے کیریئر کا 16 واں روان سیزن کا دوسرا ٹائٹل ہے جو انہوں نے حاصل کیا۔ واضح رہے کہ لوئس سفاروا نے سیمی فائنل میں سکینڈ سیڈ فلاویہ پینی یٹا کو اپ سیٹ شکست دے کر فائنل کیلئے کوالیفائی کیا تھا۔