دوحہ+برازیلیا+روٹرڈیم (سپورٹس ڈیسک/اے پی پی)بیلاروس کی سٹار وکٹوریہ آزارنیکا اور روسی سٹار ماریہ شراپووا قطر اوپن ٹینس ٹورنامنٹ کے سیمی فائنل میں پہنچ گئی۔ ماریہ شراپووا نے کوارٹرفائنل میں آسٹریلوی سمانتھا سٹوسر کو شکست دی۔ بیلاروس کی وکٹوریہ آزارنیکا نے اطالوی سارا ایرانی کے خلاف کامیابی حاصل کی۔ ہسپانوی ٹینس سٹار رافیل نڈال براسل اوپن ٹینس ٹورنامنٹ مینز سنگلز کے کوارٹر فائنل میں پہنچ گئے۔سوئٹزرلینڈ کے شہرہ آفاق ٹینس سٹار اور عالمی نمبر ایک راجر فیڈرر، اے بی این ایمرو ورلڈ ٹینس ٹورنامنٹ مینز سنگلز کے کوارٹر فائنل میں پہنچ گئے۔ایک اور میچ میں مارکوس بغداتس نے رچرڈ گیسکوئٹ کو ہرایا۔ مارٹن کلیزن نے ایگور سجسلنگ کے خلاف کامیابی سمیٹی جبکہ جان مارٹن ڈیل پوٹرو نے ایرنیسٹس کو ہرا کر کوارٹر فائنل تک رسائی حاصل کی۔