ملتان میں رشتے کے تنازع پر فائرنگ سے تین افراد زخمی

ملتان (آئی این پی) ملتان میں رشتے کے تنازع پر مخالف گروپ کی فائرنگ سے تین افراد زخمی ہو گئے۔ اتوار کو ریسکیو ذرائع کے مطابق یہ واقعہ ملتان کے علاقہ دنیا پور روڈ پر رحیمیہ چوک کے قریب پیش آیا۔ جہاں مخالفین نے رشتہ نہ ملنے پر لڑکی کے والد کالو شاہ اور دو بھائیوں ساجد شاہ اور مختار شاہ کو فائرنگ کر کے زخمی کر دیا اور خود فرار ہو گئے۔ زخمی ہونے والے تینوں افراد کو نشتر ہسپتال منتقل کر دیا گیا جہاں انہیں طبی امداد فراہم کی جا رہی ہے۔