لاہور(سپورٹس رپورٹر+نمائندہ سپورٹس) ٹرائینگولر ون ڈے ویمن کرکٹ ٹورنامنٹ کے چوتھے میچ میں پی سی بی ڈائنامیٹس نے 8 وکٹوں سے کامیابی حاصل کی۔ ملتان کرکٹ سٹیڈیم میں جاری ٹورنامنٹ میں گزشتہ روز پی سی بی چیلنجرز اور پی سی بی ڈائنامیٹس کی ٹیموں کے درمیان میچ کھیلا گیا۔ اس میچ میں پی سی بی چیلنجرز ٹیم پہلے کھیلتے ہوئے 103 کے سکور پر آ¶ٹ ہو گئی۔ نورین یعقوب نے 34 اور وحیدہ اختر نے 19 نمایاں رنز بنائے۔ ڈائنامیٹس کی جانب سے با¶لنگ میں انم امین نے چار اور ماہم طارق نے تین کھلاڑیوں کو آ¶ٹ کیا۔ جواب میں پی سی بی ڈائنامیٹس نے دو وکٹوں کے نقصان پر 106 رنز بنا کر میچ 8 وکٹوں سے جیت لیا۔ عالیہ ریاض نے 32 اور ندا ڈار نے 29 ناقابل شکست رنز بنائے۔ میچ کے اختتام پر انم امین کو میچ کی بہترین کھلاڑی قرار دیا گیا۔