راولپنڈی (نیوزرپورٹر) وزیراعلیٰ اردو تقاریر کے مقابلوں میں گورڈن کالج راولپنڈی نے 9 میں 6 پوزیشنیں جیت لیں۔پہلی اور دوسریپوزیشن بھی گورڈن کالج کے طلباء نے اپنے نام کر لی۔ کالج کے پرنسپل پروفیسر الطاف حسین نے اس کامیابی پر طلباء کو مبارکباد دی اور کہا کہ نصابی اور ہم نصابی سرگرمیوں سے طلباء کی بہتر کردار سازی میں مدد ملتی ہے جبکہ تقاریر کے ذریعے طلباء میں جو خود اعتمادی آتی ہے اس سے ان کے مستقبل میں بھی مثبت نتائج نکلتے ہیں ۔ ڈائریکٹوریٹ آف کالجز کے زیراہتمام ہونے والے ان مقابلوں میں راولپنڈی ڈویژن کے مردو خواتین کالجز کے طلباء نے شرکت کی۔ لڑکوں کے تقریری مقابلے اصغر مال کالج میں جبکہ لڑکیوں کے مقابلے ڈھوک کالا خان میں ہوئے۔ پوسٹ گریجوایٹ کی سطح پر لڑکیوں کے تقریری مقابلوں میں گورڈن کالج نے پہلی اور تیسری پوزیشن حاصل کی۔