پاکستان اورسعودی بحریہ کی اسپیشل آپریشنز فورسز کے مابین مشترکہ مشق"افعیٰ الساحل" کراچی میں اختتام پذیرہوگئیں

ترجمان پاک بحریہ کے مطابق پاکستان اورسعودی بحریہ کی سپیشل آپریشنزفورسزکے درمیان کراچی میں مشترکہ مشق افعیٰ الساحل اختتام پذیرہوگئی۔پہلے مرحلے میں آپریشنل ایریا میں دہشت گردوں کی پناہ گاہوں کو تباہ کرنے اوررات کی تاریکی میں دشمن کے خلاف کارروائیوں کی مشقیں کی گئیں۔ترجمان کے مطابق مشترکہ مشق افعیٰ الساحل کے دوسرے مرحلے میں پاک بحریہ اورسعودی بحریہ کی اسپیشل آپریشنز فورسزنے کھلے سمندرمیں دہشت گردی اور قزاقی کے خلاف آپریشنزکی مشقیں کیں۔ان مشقوں کا بنیادی مقصد مشترکہ آپریشنزکرنے کی صلاحیت میں اضافہ کرنا ہے۔ترجمان پاک بحریہ کے مطابق سعودی بحریہ کی اسپیشل آپریشنز فورس کے کمانڈر نے دونوں افواج کی پیشہ ورانہ صلاحیتوں کوسراہا۔پاکستان اورسعودی بحریہ کی اسپیشل آپریشنزفورسزکے مابین مشترکہ مشقوں سے دونوں ممالک کی بحری افواج کی پیشہ ورانہ اورحربی صلاحیتوں میں مزید اضافہ ہوگا۔