روسی فوجی نے شادی کی پیشکش کا انوکھا انداز اپناتے ہوئے محبوبہ کے لیے ٹینکوں سے دل کی تصویر بنا ڈالی۔ تفصیلات کے مطابق شادی کی پیشکش کو یادگار بنانے کے لیے لوگ ہمیشہ کچھ منفرد کرنے کی کوشش کرتے ہیں تاکہ ناصرف یہ موقع ایک یادگار بن جائے بلکہ ان کا محبوب بھی فورا راضی ہوجائے۔ روس کے اس لیفٹیننٹ کو ہی دیکھ لیں جو محبوبہ کو شادی کے لیے راضی کرنے کے لیے ٹینکوں کی پوری رجمنٹ ہی لے آیا۔لیفٹیننٹ ڈینس خازنسیف نے شادی کی پیشکش کا انوکھا انداز اپناتے ہوئے ناصرف ٹینکوں سے دل کی شکل بنا کر اپنی محبوبہ کو سرپرائز دیا بلکہ پھولوں کا گلدستہ پیش کرتے ہوئے شادی کی پیشکش کر ڈالی جو ان کی دوست نے خوشی اور حیرت کے ملے جلے جذبات کے ساتھ قبول کر لی۔