کراچی (وقائع نگار/عطاء اللہ ابڑو)کراچی کے علاقے ویسٹ زون میں ارطغرل غازی کے پرستار نامعلوم مسلح گھڑ سوار نے انٹری ماردی جس کے باعث پولیس کی اطلاع ملتے ہی اہلکاروں کی دوڑیں لگ گئیں ،گھڑسوارشخص ارتغل غازی کاروپ دھارے ننگے پیر جدید اسلحہ تھامے، سڑک پر گھومتا رہا،مسلح شخص پہلے مومن آباد، پھر پیرآباد پھر سائٹ کی حدود میں آگیامبینہ طور پر مسلح شخص کی عام شہریوں اور پولیس اہلکاروں سے بھی تلخ کلامی ہوئی،مسلح گھڑ سوار کا کہنا تھا کہ وہ بنارس کا رہائشی اور خیر آباد سے آیا ہے جبکہ ویسٹ پولیس کے مطابق مسلح شخص کے بارے میں سراغ لگاتے ہوئے بتایاکہ وہ مسلح شخص بگھی بان ہے جسے جلد گرفتار کرلیں گے ،پولیس کاکہناتھاکہ اس شخص کوشہریوں کے درمیان اس لیے گرفتار نہیں کیا کہ عام عوام کو نقصان نہ پہنچے اوراسوقت مسلح شخص مشتعل ہوگیاتھا، ایس ایس پی ویسٹ سہائی عزیزکے مطابق واقعے میں ملوث ملزم کو گرفتارکرکے اسلحہ اور گھوڑے کو قبضے میں کرلیاگیاہے ۔