اداکار فیصل قریشی اور فریال محمود کی فلم”سوری“ کی پہلی جھلک جاری

 معروف اداکار فیصل قریشی اور اداکارہ فریال محمود کی فلم”سوری“کی پہلی جھلک جاری کر دی گئی۔فیصل قریشی اور فریال محمود اس سے قبل ایک ساتھ ڈرامے میں بھی اداکاری کر چکے ہیں اور اب ان دونوں کی ایک ساتھ یہ پہلی فلم ہے۔فلم سوری کا پہلا ٹیزر کافی مختصر ہے جسے دیکھنے کے بعد فلم کی کہانی کے حوالے سے زیادہ کچھ واضح نہیں ہو رہا ہے۔فلم کی ہدایت سہیل جاوید نے دی ہے جب کہ فلم کی کہانی فلم محبت میں اتار چڑھا، محبت ملنا اور پھر اسے کھونے کے گرد گھومتی ہے۔ فلم سوری کی ریلیز کی تاریخ سامنے نہیں آئی ہے جب کہ اس فلم سے فیصل قریشی طویل عرصے بعد سلور اسکرین پر واپس نظر آئیں گے۔