امریکی گلوکارہ نکی مناج کے والد انتقال کر گئے

 معروف امریکی گلوکارہ نکی مناج کے والد گاڑی کی ٹکر لگنے سے ہلاک ہوگئے۔ان کی عمر64 سال تھی۔غیر ملکی میڈیا کے مطابق ریپر نکی مناج کے والد رابرٹ میراج نیویارک میں سڑک کنارے چہل قدمی کر رہے تھے کہ انہیں کار سوار نے ٹکر ماری اور فرار ہوگیا۔رابرٹ میراج کو زخمی حالت میں اسپتال منتقل کیا گیا جہاں ایک دن زیر علاج رہنے کے بعد وہ زخموں کی تاب نہ لاتے ہوئے دم توڑ گئے۔پولیس کے مطابق معاملے کی تحقیقات جاری ہیں جب کہ گلوکارہ کی جانب سے اس حوالے سے کوئی بیان جاری نہیں کیا گیا ہے۔