پاکستان سپر لیگ میں فاسٹ بائولرز  کی تیزگیندیں چیلنج ہیں:ٹم ڈیوڈ

لاہور(سپورٹس رپورٹر)ملتان سلطانز کے بیٹر ٹم ڈیوڈ نے پی ایس ایل میں فاسٹ بائولرز کی تیز گیندوں کو چیلنج قرار دیتے ہوئے کہاہے کہ مجھے گزشتہ ایک برس میں بہت سی لیگز کھیلنے کا موقع ملا ہے، ہر مقابلے کے اپنے چیلنجز ہیں لیکن میں سمجھتا ہوں کہ پی ایس ایل کا معیار بہت بلند ہے، پی ایس ایل میں بہت اچھے فاسٹ بائولرز ہیں، ان کی سپیڈ زیادہ ہے۔ پی ایس ایل 7 کے ایڈیشن میں اب تک میں لطف اندوز ہو رہا ہوں، گرائونڈ میں اس مرتبہ کچھ اچھی پرفارمنسز بھی رہی ہیں اور ساتھ میں ٹیم بھی اچھا کھیل رہی ہے۔ کوئٹہ گلیڈی ایٹرز میں شامل جیسن رائے بھی پی ایس ایل میں غیر معمولی اننگز کھیل رہے ہیں۔ پی ایس ایل میں غیر ملکی کھلاڑیوں کی بڑی تعداد موجود ہے، ان سے سیکھنے کی کوشش کر رہا ہوں، مجھے ان سے کنڈیشنز کے مطابق کھیلنے کا علم ہو رہا ہے۔