لاہور(سپورٹس رپورٹر)قومی ٹیم کے آل راؤنڈر صہیب مقصود کے گھر ننھی پری کی پیدائش ہوئی ہے۔صہیب نے لکھا کہ ’اللہ نے ہمیں اپنی رحمت (بچی) سے نوازا ہے، ننھی پری اور اہلخانہ کو اپنی دعاؤں میں یاد رکھیں۔آج میں ٹیم (ملتان سلطانز) میں شامل ہونے کیلئے واپس لاہور جارہا ہوں۔قومی کرکٹر نے ویڈیو شیئر کی جس میں دیکھا جاسکتا ہے کہ وہ ننھی پری کو پیار کررہے ہیں اور اس سے باتیں بھی کررہے ہیں، انہوں نے بیٹی کا نام ’انشا صہیب‘ رکھا ہے۔صہیب مقصود کو بیٹی کی پیدائش پر ساتھی کرکٹر کی جانب سے مبارکباد دی جارہی ہیں اور ننھی انشا کو دعائیں بھی دی جارہی ہیں۔