16ایڈیٹر فیملی میگزین  خالد بہزاد ہاشمی کے بڑے بھائی سعید معظم ہاشمی انتقال کر گئے

لاہور (سٹی رپورٹر) روزنامہ نوائے وقت کے ایڈیٹر فیملی میگزین و نوائے وقت میگزین خالد بہزاد ہاشمی کے بڑے بھائی سعید معظم ہاشمی المعروف شاہ صاحب اچانک ہارٹ اٹیک سے انتقال کر گئے۔ وہ ڈاکٹر سعید الدین ہاشمی کے صاحبزادے اور اظہار الاسلام ہاشمی‘ سعید حامد ہاشمی‘ سعید زاہد ہاشمی کے بھائی تھے۔ انہوں نے پسماندگان میں دو بیٹے فیضان ہاشمی‘ فرحان ہاشمی (جی سی یو) سوگوار چھوڑے ہیں۔ انہیں سینکڑوں سوگواروں کی موجودگی میں انکی رہائش گاہ 61 ۔ نیشنل پارک‘ نیشنل ٹاؤن ساندہ روڈ کے قریبی قبرستان میں سپردخاک کر دیا گیا۔ وہ ایک تجربہ کار سینئر فارماسسٹ تھے اور انہوں نے ایک عرصہ تک ملٹی نیشنل فارماسیوٹیکل کمپنی میں بطور ڈسٹرکٹ سیلز مینجر خدمات انجام دیں اور آج کل ایک دوسری ملٹی نیشنل میں بطور ڈویژنل مینجر کام کر رہے تھے۔ بطور دینی سکالر انکا مطالعہ بہت وسیع تھا۔ وہ ایک اچھا علمی و ادبی ذوق رکھتے تھے۔ انہوں نے ذاتی وسیع و عریض علی رضا لائبریری بھی قائم کی۔ ضرورت مندوں اور مستحقین کی خدمت زندگی بھر انکا شعار رہا۔
سعید معظم ہاشمی