قصور: بانس کی فصل سے ہاتھ پاؤں بندھی‘ گولیاں لگی سکول ٹیچر کی نعش برآمد 

قصور (نمائندہ نوائے وقت) نواحی علاقہ ایشری سنگھ والا کے قریبی بانس کی فصل سے ہاتھ پاؤں بندھی اور گولیاں لگی نوجوان سکول ٹیچر کی نعش برآمد ہوئی، عبدالرشید نے پولیس تھانہ میں اطلاع دی کہ میرا بتیس سالہ بیٹا امتیاز احمدجو کہ روہڑی والا میں سکول ٹیچر ہے کل سے گھر سے یہ کہہ کر نکلا ہے کہ اپنے دوست شاہد کو ملنے جارہا ہوں جو رات بارہ بجے تک واپس نہیں آیا اور نمبر بھی بند جارہا ہے اطلاع پاکر پولیس نے ورثا کے ہمراہ تلاش کی تو مقتول کی ہاتھ پاؤں بندھی نعش بانسوں کی فصل سے ملی۔ کچھ دنوں بعد مقتول کی شادی طے تھی۔ واقع کی اطلاع ملتے ہی ڈی پی اوقصور کی ہدایت پر پولیس نے تفتیش شروع کردی۔