فیروز والہ : ڈاکوئوں نے بنک سے رقم نکلوانے والے شہری سے 42لاکھ روپے لوٹ لئے 

 فیروزوالہ( نامہ نگار)  تھانہ  فیروز والا میں نئے تعینات ہونے والے ایس ایچ او کو ڈاکوں کی سلامی  جی ٹی روڈ کی آبادی  شاہ خالد ٹاؤن کے قریب ڈاکووں نے بینک سے رقم لے کر آنے والے شہری کو لوٹ لیا ڈاکو 42 لاکھ روپے کی رقم چھین کر لے گئے ۔ اویس احمدبنک سے رقم نکال کر کار پر سوار ہو کر جا رہا تھا جب وہ شاہ خالد ٹاؤن کے قریب پہنچا تو موٹر سائیکل سوار ڈاکوؤں نے گن پوائنٹ پر اسے روک کرجان سے مار دینے کی دھمکی دے کر 42 لاکھ روپے کی رقم چھین کر لے گئے۔ فیروزوالہ پولیس واقعہ کی اطلاع ملنے کے باوجود تاخیر سے پہنچیں ڈاکو فرار ہو گئے۔ ڈاکوؤں نے رچنا ٹاون کے قریب ناکہ لگاکر صحافی محمد طارق چوہان سمیت متعدد افراد کو لوٹ لیا ڈاکو نقدی8 موبائل  اور دیگر اشیاء  لوٹ کر لے گئے ونڈالہ دیال شاہ میں ڈاکووں نے فارمیسی لوٹ لی ڈاکو ہزاروں روپے کی رقم موبائل چھین کر لے گئے۔ کوٹ عبدالمالک ڈاکوؤں نے موٹر سائیکل سوار سے موٹر سائیکل 60 ہزار کی رقم چھین کر لے گئے۔