لاہور (سپورٹس رپورٹر)لاہور قلندرز کے بیٹر ڈیوڈ ویزے نے کہا ہے کہ لاہور قلندرز نے مجھے اس وقت موقع دیا جب میں زیادہ لیگز نہیں کھیلتا تھا۔ لاہور قلندرز کی ٹیم نے ہمیشہ مجھے بیک کیا، میں نے بھی پرفارم کیا، قلندرز نے ہمیشہ ٹیلنٹ کو فروغ دینے کیلئے کام کیا ہے، قلندرز کا پلیئرز ڈویلپمنٹ پروگرام مثالی ہے۔ حارث رؤف کا اوپر آنابتاتا ہے کہ لاہور قلندرز نے کس طرح ٹیلنٹ کو فروغ دیا، کراچی کنگز کیخلاف مقابلہ اچھا ہوگا، بڑے شہروں کا بڑا میچ ہوگا، پہلے ہمارا ریکارڈ اچھا نہیں تھا لیکن گزشتہ دو سال میں ہم نے ریکارڈ بہتر کیا ہے، ٹونامنٹ میں شروعات اچھی کی ہے، امید ہے اور بہتر پرفارمنس دے کر اگلے راؤنڈ میں جائیں گے۔ لاہور قلندرز کا بائولنگ اٹیک بہترین ہے، شاہین اور زمان خان نے جس طرح ڈیتھ اوورز میں بائولنگ کی وہ مثالی تھی، راشد خان کے آنے سے ہماری بائولنگ اور بھی مضبوط ہوجائیگی، شاہین نوجوانی میں بہت زبردست کپتانی کر رہے ہیں، شاہین کی کرکٹنگ سوچ کافی تگڑی ہے، شاہین بطور کپتان دوسروں سے مشورہ کرنے میں بالکل نہیں گھبراتا، شاہین آفریدی میں ایک اچھے کپتان کی تمام نشانیاں موجود ہیں۔