جعفر میموریل انٹر سکول ہاکی ٹورنامنٹ ایچیسن کالج نے جیت لیا 

لاہور(سپورٹس رپورٹر)ایچیسن کالج میں 53ویں انٹر سکول سالانہ ہاکی ٹورنامنٹ کا میلہ ختم ہو گیا ۔ فائنل میں ایچیسن کالج کا گورنمنٹ لیب ماڈل ہائی سکول سرگودھا سے مقابلہ ہوا ۔فاتح ٹیم نے دو کے مقابلے میں پانچ گول سے کامیابی حاصل کی ۔ ، شاندار فتح پر ایچیسن کالج کے کھلاڑیوں نے خوب خوشی منائی۔ ڈھینگ شاہ ہائی سکول نے نور گرامر کو دو صفر سے ہرا کر تیسری پوزیشن حاصل کی۔ اختتام پر کامیاب کھلاڑیوں کو انعامات تقسیم کیے گئے ۔چیمپئن ٹیم ایچیسن کالج کے پرنسپل مائیکل تھامس نے اسے بہترین مقابلہ قرار دیا اور ایونٹ سے باصلاحیت کھلاڑیوں پر مشتمل جعفر الیون بنانے کا اعلان کیا۔ چیمپئن ٹیم کے ہیڈ کوچ اولمپئن محمد ثقلین نے اس جیت کو ٹیم کی مشترکہ کوشش قرار دیتے ہوئے کہا کہ ہاکی کا ٹیلنٹ نکالنے کی خدمت ہر سٹیج پر دیتے رہیں گے۔