غیبی دیرو روڈ پر تیز رفتار کارکی  موٹر سائیکل کو ٹکر،75سالہ معمر شخص جاں بحق

لاڑکانہ(بیورورپورٹ) قمبر کے قریب غیبی دیرو روڈ پر تیز رفتار کار اور موٹر سائیکل میں تصادم کے نتیجے میں موٹرسائیکل پر سوار گاؤں لشکر خان چانڈیو کا رہائشی 75 سالہ معمر شخص معشوق چانڈیو اور غیبی دیرو کا رہائشی عبدالوحید برڑو شدید زخمی ہوگئے جنہیں کار ڈرائیور نے تشویشناک حالت میں لاڑکانہ چانڈکا ہسپتال کے شعبہ حادثات منتقل کرنے کے بعد فرار ہوگیا،دوران علاج معمر شخص معشوق علی چانڈیو دم توڑ گیا، ورثاء کے مطابق معمر شخص معشوق چانڈیو عبدالوحید برڑو کے ہمراہ موٹر سائیکل پر غیبی دیرو جا رہا تھا کہ غیبی دیرو روڈ پر تیز رفتار کار اور موٹرسائیکل میں تصادم کے نتیجے میں میں واقعہ پیش آیا ہے، دوسری جانب ضروری کاروائی کے بعد متوفی کی نعش ورثاء کے حوالے کردی گئی جبکہ نعش گھر پہنچنے پر کہرام مچ گیا۔