سجاول دھند کے باعث بس حادثہ،14مسافر شدید زخمی،7کی حالت نازک

سجاول (رپورٹ : اختر علی میواتی ) سجاول کے قریب سید پور کے مقام پر مسافر بس کو خوفناک حادثہ ،حادثے میں 14 سے زائد مسافر شدید زخمی ہوگئے زخمیوں میں سات مسافروں کی تشویش ناک حالت مسافر بس دڑو سے کراچی جار رہی تھی۔تفصیلات کے مطابق دڑو شہر سے کراچی جانے مسافر بس  سجاول کے قریب سید پور کے مقام پر شدید دھند کے باعث الٹ گئی ،نتیجے میں خواتین اور بچوں سمیت  14 سے زائد مسافر شدید زخمی ہوگئے حادثے کی اطلاع ملتے ہی ریسکیو 1122 کے عملہ نے امدادی کاروائی کر کے زخمیوں کو سول ہسپتال سجاول منتقل کردیا، زخمیوں میں 7مسافروں کی تشویش ناک حالت بتائی جارہی تھی زخمیوں میں حوا،سیف اللہ،پپی، زینب، محمد، میملا، نوربانو ، محمد قاسم   اور دیگر شامل ہیں، سجاول اور ملحقہ علاقوں میں رات گئے سے صبح تک شدید دھند ہونے کے باعث یہ افسوسناک حادثہ پیش آیا سول ہسپتال سجاول میں تشویشناک حالت میں زخمیوں کو فوری طبی علاج کرکے کراچی منتقل کیا گیا ہے۔