بلاول سے ملاقات، بھکر سے آزاد صوبائی رکن امیر محمد پی پی میں شامل

اسلام آباد+ کراچی (نمائندہ خصوصی+ نوائے وقت رپورٹ) بلاول بھٹو زرداری سے رابطہ و کوآرڈی نیشن کمیٹی کے ارکان نے زرداری ہاؤس میں ملاقات کی اور سیاسی جماعتوں کے رابطوں کی صورتحال سے آگاہ کیا۔ ملاقات میں قمر زمان کائرہ، سید مراد علی شاہ، نواب ثناء اللہ زہری، شجاع خان، سعید غنی، ندیم افضل چن اور بہادر خان سیہڑ موجود تھے۔ علاوہ ازیں بلاول اور فریال تالپور سے کامیاب امیدوار امیر محمد خان نے ملاقات کی۔ ملاقات کے بعد پی پی 89 بھکر سے کامیاب ہونے والے آزاد امیدوار امیر محمد خان پیپلزپارٹی میں شامل ہو گئے۔ بلاول سے سابق گورنر چودھری سرور بھی ملے۔ ملاقات میں موجودہ سیاسی صورتحال پر بات چیت ہوئی۔