لاہور (لیڈی رپورٹر) پنجاب آئی ٹی بورڈ کی بزلنکس ٹیم کے زیراہتمام ارفع ٹاور میں وقت کے بہتر استعمال اور دور حاضر کے چیلنجز کے حوالے سے پی آئی ٹی بی سٹاف کیلئے آرٹ آف ٹائم مینجمنٹ ورکشاپ کا اہتمام کیا گیا۔ ڈائریکٹر پی آئی ٹی بی محمد جہانزیب اکبرنے سٹاف کو پیشہ ورانہ ذمہ داریوں کو احسن انداز میں نبھانے کے حوالے سے وقت کے بہترین استعمال بارے لیکچر دیا۔ پرسنل اور پروفیشنل گروتھ کیلئے ٹائم مینجمنٹ کی باریکیوں کو سمجھنا بہت ضروری ہے جبکہ پی آئی ٹی بی بزلنکس منصوبے کے تحت سٹاف کی کارکردگی میں بہتری لانے کیلئے ایسے مزید ایونٹس کا انعقاد کیا جائے گا۔