پشاور (ثناء نیوز) خیبر پی کے ضلع سوات، مانسہرہ، چترال اورگلگت بلتستان میں زلزلہ کے شدید جھٹکے محسوس کئے گئے تاہم کسی جانی ومالی نقصان کی اطلاع نہیں ملی۔ اطلاعات کے مطابق منگل اور بدھ کی درمیانی شب ضلع غذر اور ضلع دیامر کے علاوہ چترال، سوات اور مانسہرہ میں بھی زلزلے کے شدید جھٹکے محسوس کئے گئے جس کے باعث لوگ کلمہ طیبہ کا ورد کرتے ہوئے گھروں سے باہر نکل آئے اور سخت سردی اور برفباری میں کھلے آسمان تلے بیٹھے رہے۔ محکمہ موسمیات کے مطابق زلزلہ کا مرکز افغانستان کے ہندوکش پہاری سلسلہ میں تھا جس کی شدت ریکٹر سکیل پر 5.0 درجہ تھی۔