لاہور (نامہ نگار) فیروز پور روڈ پر واقع نجی ہسپتال میں گیس پائپ لائن زور دار دھماکے سے پھٹ گئی جس کی زد میں آ کر تین افراد زخمی ہو گئے۔ بتایا جاتا ہے نجی ہسپتال کی کنٹین کے قریب سے گزرنے والی گیس پائپ لائن دھماکے سے پھٹ گئی جس سے کنٹین پر بیٹھے ناصر، جمال اور خاور زخمی ہوگئے جبکہ علاقہ میں خوف و ہراس پھیل گیا۔ اطلاع ملنے پر ریسکیو 1122پولیس اور سوئی گیس کا عملہ موقع پر پہنچ گیا۔ زخمیوں کو موقع پر طبی امداد فرہم کی گئی جبکہ پائپ لائن کی مرمت کر دی گئی۔