کراچی: چکرا گوٹھ سے ملنے والی نعش کی شناخت ہو گئی‘ ایک اور برآمد

کراچی (صباح نیوز)کورنگی چکرا گوٹھ سے ملنے والی نعش کی شناخت ہوگئی جوکہ تاجر نذیر احمد کی ہے دوسری جانب عزیز آباد ٹیلی فون ایکسچینج کے قریب فائرنگ سے ایک شخص جاں بحق ہوگیا۔ پولیس کے مطابق گزشتہ روز کورنگی چکرا گوٹھ سے ملنے والی نعش تاجر نذیر احمد کی ہے اسے ملزمان نے سر پر اینٹ مار کر قتل کیا۔وہ چکراگوٹھ 1 نمبر کا رہائشی تھا، وہ رات 10 بجے دکان بند کرکے گھر جاتا تھا۔ قتل والے روز تاجر دکان سے فارغ ہوکر اپنے زیر تعمیر گھر گیا جبکہ 10بجے کے بعد فون بھی بند ہوگیا تھا، مقتول کی دو سال قبل شادی ہوئی تھی۔ پولیس نے تفتیش شروع کر دی۔ دوسری طرف عزیز آباد ٹیلی فون ایکسچینج کے قریب فائرنگ سے ایک شخص جاں بحق ہوگیا۔ جس کی نعش ہسپتال منتقل کردی گئی ۔