لاہور(سپورٹس رپورٹر+نمائندہ سپورٹس) پاکستان جونیئر ہاکی ٹیم کے کوچنگ سٹاف نے کھلاڑیوں کی جدید تقاضوں کے مطابق کوچنگ کاآغاز کر دیا۔ تربیتی کیمپ کے دوران کھلاڑیوں کومختلف ویڈیوزدکھا کر ان کو لیکچرزدئیے، ویڈیو لیکچرز کے دوران کھلاڑیوں کو مختلف پوزیشنز پر صورت حال کوکنڑول کرنے کے حوالے سے کوچنگ ٹپس دی گئیں۔ہیڈ کوچ دانش کلیم ،کوچ اولمپئین محمد عمران ،مدثرعلی خان اور رانا ظہیر نے کھلاڑیوں کو جدید ہاکی کے حوالے سے لیکچرز دئیے۔