پاکستان کرکٹ بورڈ اور بنگلہ دیش کرکٹ بورڈ کے درمیان آئندہ سیریز کے حوالے سے اتفاق رائے ہوگیا ہے۔
پاکستان کرکٹ بورڈ کےچیئرمین احسان مانی نے اس موقع پر گفتگو کرتے ہوئے کہا ہمیں خوشی ہے کہ ہم نے معاملہ احسن انداز میں حل کرلیا ہے جو اس عظیم کھیل اور کرکٹ کھیلنے والے ملکوں دونوں کے مفاد میں ہے۔
انہوں نے بین الاقوامی کرکٹ کونسل کے چیئرمین ششانک منوہر کی جانب سے اس معاملے میں رہنمائی کرنے اور دونوں ملکوں میں کرکٹ کے فروغ کو یقینی بنانے پر ان کا شکریہ ادا کیا۔