لاہور(سپورٹس ڈیسک) قطر کے ناصر العطیہ نے سعودی ڈاکار ریلی سال 2022 کا ٹائٹل اپنے نام کرلیا، اس کارنامے کے ساتھ انہوں نے تاریخ رقم کردی ہے۔ قطری شہری ناصر العطیہ نے سعودی ڈاکار ریلی کا چوتھا ٹائٹل اپنے نام کیا ہے، اس سے قبل وہ 2011، 2015 اور 2019 میں بھی ٹائٹل حاصل کر چکے ہیں۔سال 2022 کے فائنل مقابلوں میں فرانس کے سباستین لوئب دوسرے جبکہ سعودی عرب کے یزید الراجحی تیسرے نمبر پر رہے۔ریلی کا ٹائٹل حاصل کرنے پر ناصر العطیہ نے کہا کہ آج کا احساس ناقابل یقین ہے میں بے حد خوش ہوں، میں نے چوتھا ٹائٹل اپنے نام کرکے ’فن ایری ونتن‘ کیساتھ اپنے ٹائٹلز کی تعداد برابر کرلی ہے۔