لاہور (سپورٹس ڈیسک ) ایشز سیریز کے پانچویں ٹیسٹ میں بھی انگلش بیٹنگ لائن دغا دے گئی ۔ کوئی بیٹر کارکردگی نہ دکھا سکا اور ٹیم 188رنز پر ڈھیر ہو گئی ۔ کرس ووکس چھتیس اور کپتان جو روٹ چونتیس رنز بناکر نمایاں رہے ۔ کپتان پیٹ کمنز نے چار ‘مچل سٹارک نے تین کھلاڑیوں کو آئوٹ کیا ۔ ہوبارٹ میں جاری ٹیسٹ میچ میں آسٹریلیا نے دوسری اننگز میں 3وکٹوں پر 37رنز بناکر مجموعی طور پر 152رنز کی برتری حاصل کرلی ۔ ڈیوڈ وارنر صفر ‘عثمان خواجہ گیارہ اور مارنسو لابوشین پانچ رنز بناکر آئوٹ ہوئے ۔ سٹیون سمتھ سترہ اور سکاٹ بولینڈ تین رنز پر کھیل رہے ہیں ۔ آسٹریلوی ٹیم پہلی اننگز میں 303رنز بناکر آئوٹ ہوگئی تھی ۔ ٹریوس ہیڈ 101اور کیمرون گرین 74رنز بناکر نمایاں رہے ۔ سٹورٹ براڈ اور مارک ووڈ نے تین تین کھلاڑیوں کو آئوٹ کیا ۔