ماڈل بازار کو غلہ منڈی میں مختص جگہ پر تعمیرکیا جائے:ذیشان پرویز

شیخوپورہ(نامہ نگارخصوصی)مرکزی انجمن تاجران کے صدر میاںذیشان پرویز نے کہا ہے کہ غلہ منڈی سے کمپنی باغ میں ماڈل بازار کو شفٹ کرکے تعمیر کرنے کا فیصلہ کسی بھی طور پر تاجروں اورشہریوںکے مفاد میںنہیں ہے کمپنی باغ شہریوں کیلئے واحد سیر گاہ ہے جہاںبازار تعمیر کرنے سے عوام کو سیرو تفریح وآمد ورفت میں شدید مشکلات کا سامنا کرناپڑیگا کمپنی باغ سے ملحقہ دکانوںکومسمارکرکے سڑک کو کشادہ اس لیے کیا گیا تھا کہ منڈی اور دیگر آبادیوںکو جانیوالی آمد رفت میں آسانیاںپیدا ہوں اب کمپنی باغ میں دوبارہ ماڈل بازار کی تعمیر سے ٹریفک اور دیگر تجاوزات کے مسائل پیدا ہونگے لہذا ہمارامطالبہ ہے کہ ماڈل بازار کو غلہ منڈی میں مختص جگہ پر تعمیرکیا جائے میڈیا سے گفتگو کرتے میاں ذیشان پرویز نے کہاکہ ن لیگ کے دور حکومت میں شہریوںکے مطالبہ پر کمپنی باغ ،ریلوے روڈ کے اطراف میںدکانوںکو مسمار کرکے روڈ کو کشادہ کیا گیا تھا مگر افسوس کہ اب دوبارہ اسی جگہ ماڈل بازارتعمیر کرکے عوام کیلئے مزید مشکلات کا ذریعہ بنایا جارہا ہے جو ہم کسی صورت بھی نہیںہونے دینگے اور اس کیلئے عدالت سے بھی رجوع کیا جارہا ہے ۔