فیفا پلیئر آف دی ایئر کی نامزدگیوں کا اعلان، رونالڈو پہلی بارباہر

 لاہور(سپورٹس ڈیسک )فٹبال کی عالمی تنظیم فیفا کی جانب سے  فیفا ایوارڈز کی نامزگیوں کا اعلان کردیا گیا ہے۔فیفا مینز پلیئر آف دی ایئر کے ایوارڈ کی نامزدگیوں میں 14 فٹبالرز کے نام شامل ہیں۔ ارجنٹائن کے لائیونل میسی اور ان کے ساتھی ایلواریز بھی شامل ہیں۔ فرانس کے کلیان امباپے ‘کریم بینزما، برازیل کے نیمار،مصر کے  محمد صلاح،انگلینڈ کے بلنگھم، بیلجیئم کے کیون ڈی برائم، ناروے کے ہالانڈ، مراکش کے حکیمی، پولینڈ کے لیوانو ڈوسکی، سینیگال کے مانے، کروشیا کے لوکا موڈرک اور برازیل کے ونیشزجونیئر فہرست کا حصہ ہیں۔2016 ء اور 2017 ء میں فیفا کے بہترین کھلاڑی کا ایوارڈ جیتنے والے پرتگال کے کرسٹیانو رونالڈو کا نام پہلی بار فیفا کے بہترین کھلاڑی کے ایوارڈ کی نامزدگیوں میں شامل نہیں ہے۔ویمنز پلیئر آف دی ایئر، بہترین گول کیپر( مینز اور ویمنز) اور بہترین کوچز کی نامزدگیوں کا بھی اعلان کیا گیا۔