بہاول پور(نیوز رپورٹر) بہاول پورمیں سردی کی شدت،لکڑی ،کوئلہ کی قیمتوں میں اضافہ ، گھروں کے چولہے ٹھنڈے ہوگئے گیس کی قلت کافائدہ اٹھاتے ہوئے دکانداروں نے لکڑی کوئلہ ودیگرایندھن کی قیمتوں میں اضافہ کردیا تفصیل کے مطابق بہاول پورمیں سردی کی شدت میں اضافہ ہوتے ہی گیس بحران نے بھی سراٹھا لیا گھروں کے چولہے ٹھنڈے پڑ گئے جبکہ گیس کی قلت کافائدہ اٹھاتے ہوئے دکانداروں نے لکڑی کوئلہ اوردیگرایندھن کی قیمتوں میں اضافہ کردیا گھریلوصارفین کوگیس کی فراہمی بند ہونے کے باعث شہریوں کاروٹیاں لگوانے کیلئے تنوروں کارخ کرلیا جہاں روٹی کی لگوائی کی اجرت بھی بڑھادی گئی بہاول پورکے تمام علاقوں میں گیس کی شدیدقلت کے باعث گھروں میں ناشتہ دوپہراوررات کاکھاناتوایک طرف چائے بنانابھی دشوارہوگیا جس کے باعث ہوٹلوں اورتنوروں پر کھانے روٹی اور چائے کی فروخت میں اضافہ ہوگیا ہوٹل مالکان نے کھانے پینے کی اشیاء کی قیمتوں میں ایندھن مہنگاہونے کے باعث اضافہ کردیا ۔