گوجرانوالہ‘ موٹر سائیکل کی چابی نہ دینے پر چھوٹے نے بڑے بھائی کو قتل کر دیا

گوجرانوالہ (نمائندہ خصوصی ) موٹر سائیکل کی چابی دینے سے انکار پر چھوٹے بھائی نے فائرنگ کر کے بڑے کو موت کے گھاٹ اتار دیا۔ نواحی علاقہ بھٹی بھنگو کے عدیل نے بازار جانے کیلئے اپنے بڑے بھائی جہانزیب سے موٹر سائیکل کی چابی مانگی مگر اس نے انکار کر دیا۔ جس پر دونوں بھائیوں کے درمیان جھگڑا ہو گیا اور طیش میں آ کر فائرنگ کر کے بھائی کو موت کے گھاٹ اتار دیا۔ صدر پولیس نے باپ کی مدعیت میں مقدمہ درج کر کے ملزم کی گرفتاری کیلئے ٹیم تشکیل دے دی ہے۔