منڈی بہائوالدین (نامہ نگار) تھانہ قادرآبادکے علاقہ سیدا شریف میں پسندکی شادی کرنے پر لڑکی کے بھائیوں نے فائرنگ کر کے بہنوئی کو قتل کر دیا۔ پولیس نے واقعہ کا مقدمہ درج کر لیا۔ نعش پوسٹمارٹم کے بعد ورثاء کے حوالے کر دی گئی۔ تھانہ قادرآبادکے گائوں سیدا شریف میں محمد ریاض نے پسندکی شادی کر رکھی تھی، جس کا لڑکی کے بھائیوں کو دکھ تھا کہ گزشتہ روز چار افراد نے محمد ریاض کو فائرنگ کر کے قتل کر دیا اور موقع سے فرار ہو گئے۔ پولیس تھانہ قادرآباد نے مقدمہ درج کر لیا ہے۔