حضرت صدیق ؓکاطرز زندگی انسانیت کیلئے روشن مثال ہے، راغب نعیمی 

لاہور (خصوصی نامہ نگار)دارالعلوم جامعہ نعیمیہ کے ناظم اعلیٰ علامہ ڈاکٹر راغب حسین نعیمی نے کہاہے کہ سیدنا صدیق اکبرؓ کاطرز زندگی انسانیت کیلئے روشن مثال ہے۔ آپ ؓ ساری زندگی دین اسلام کی ترویج کیلئے کوشاں رہے۔ خلفاء راشدین کی تعلیمات کی روشنی میں اسلام اورملک دشمن عناصر کیخلاف کارروائی کی جائے۔ اس وقت دہشت گردی کا عفریت د وباہ سے سر اٹھا رہا ہے جس طرح خلیفہ رسول نے سر اٹھاتے مختلف فتنوں کاقلع قمع کیا اسی طرح وفاقی، صوبائی حکومتوں اور ریاستی ادارے امن دشمن عناصر کیخلاف سخت ایکشن لیں۔ افواج پاکستان کے جوانوں اپنی جانیں مادر وطن پر نچھاو کر کے ملکی امن اور دفاع کو یقینی بنایا۔ عوام اہل سنت پاک فوج کے شانہ بشانہ کھڑی ہیں۔ طلبہ سے خطاب کرتے ہوئے انہوں نے مزید کہاکہ سیدنا صدیق اکبرؓایمان کی دولت سے سر فراز ہونے کے بعد اپنا مال و دولت، اسلام کی اشاعت اور مظلوم مسلمان غلاموں کو آزاد کرانے میں خرچ کرتے رہے۔