لاہور(نیوزرپورٹر)پیپلز پارٹی وسطی پنجاب کے قائم مقام صدر رانا فاروق سعید نے کہا ہے کہ ن لیگ سے سیٹیں لینے کی خیرات کا پروپیگنڈہ کیا جا رھا ہے،پیپلز پارٹی پنجاب سے جیت کر حکومت بنا کر دکھائے گی۔40برس سے پیپلز پارٹی کیساتھ ظلم ہوتا آ رہا ہے،اب ایسا نہیں ہونے دینگے۔وہ پیپلز پارٹی ساہیوال ڈویڑن کے صدر مہر غلام فرید کاٹھیا کے پارٹی کے ٹکٹ ہولڈر کے اجلاس میں شرکت کے بعد شہزاد سعید چیمہ،فیصل میر ،چودھری سجاد الحسن ،ذکی چودھری،رانا شہزاد اور طاہر سندھو کیساتھ پریس کانفرنس سے خطاب کر رہے تھے۔اس موقع پرشوکت حسین باجوہ،شہزاد نول،طاہر سندھو،نسیم صابر میاں نعمان،علی جاوید،ڈاکٹر اظہر کاہلوں،مہر یوسف کلاسن،پیر ظفر شاہ کھگہ،علی جاوید، رائو رفیق،فاروق سنگوکہ،راو ایاز الکریم،حسنین نقوی، میاں فیروز وٹو،رائے محمد شفیق،فخر السلام،شوکت علی باجوہ، راو طیب گلشیر،میاں ریاض وٹو،رائے مجتبی کھرل اور دیگر بھی موجود تھے۔