راولپنڈی (سٹاف رپورٹر ) ڈپٹی کمشنر شعیب علی نے ضلع راولپنڈی میں پولیو مہم کے سلسلہ میں کمیٹی تشکیل دی ، جس میں سفیر امن اظہار بخاری کو خصوصی ممبر منتخب کیا۔ اس موقع پر اظہار بخاری نے کہا پولیو مہم کمیٹی کے فوکل پرسن حافظ اقبال رضوی ، آغا نئیر عباس علماء کرام کے ہمراہ مختلف علاقوں کا دورہ کر کے پولیو قطرے کے بارے میں پائے جانے والے خدشات دور کرنے ک کیلئے اپنا مذہبی کردار ادا کریگی ۔لالکڑتی میں پولیو ٹیمیں بلا خوف و خطر بچوں کو پولیو قطرے پلائیں ، علماء ان کا بھر پور ساتھ دیں گئے ۔ڈپٹی کمشنر شعیب علی انسدادپولیو کیلئے جو کو ششیں کر رہے ہیں ، وہ قابل تحسین ہیں ۔علماء بھی عوام کو پولیو قطروں کی اہمیت پر آگا ہی کیلئے ، مساجد میں اعلان کر کے والدین کو پولیو قطرے پلانے کیلئے خصوصی بریفینگ دیں۔